Միջազգային փոխըմբռնում արվեստի միջոցով
Արվեստի ոլորտը մեծ նշանակություն ունի Բրիտանական խորհրդի գործունեության համար: Մեր նպատակն է փոխադարձ հաղորդակցման և ըմբռնման նոր ճանապարհներ գտնել:
Արվեստի ծրագրերի մեր անձնակազմն աշխատում է Միացյալ Թագավորության լավագույն մասնագետների հետ` կազմակերպելու նորարական, բարձրորակ միջոցառումներ և կերտելու համագործակցություն հայ արվեստագետների և մշակութային հաստատությունների հետ:
Արվեստի ծրագրերի նորություններին տեղեկանալու համար կարող եք բաժանորդագրվել Բրիտանական խորհրդի արվեստի ծրագրերի տեղեկագրին:
Թատերական արվեստ և պար
Բրիտանական խորհրդի թատերական արվեստի և պարի թիմն աշխատում է բրիտանացի մասնագետների հետ, ովքեր խթանում են ժամանակակից արվեստը և նպաստում բրիտանական աշխատանքների տարածմանն ու ճանաչմանը: Հյուրախաղերի, սեմինարների, թվային նախագծերի շնորհիվ մենք կարողանում ենք նպաստել բրիտանացի և արտասահմանցի արվեստագետների միջև կապի ձևավորմանը և նոր լսարանների հաղորդակցմանը:
Կինո
Բրիտանական խորհրդի կինոարվեստի թիմը նպաստում է նորարարության, բազմազանության, ստեղծագործական նոր գաղափարների տարածմանն ամբողջ աշխարհում: Աշխատելով բրիտանական ֆիլմերի արդյունաբերության ոլորտում` մենք նպաստում ենք միջազգային լսարանների և ֆիլմստեղծողների համագործակցությանը:
Երաժշտություն
Մենք ներկայացնում ենք ժամանակակակից բրիտանական երաժշտության բոլոր ժանրերը` ջազ,ավանդական երաժշտություն, ժողովրդական, դասական և այլն: Ավելին` այստեղ:
Գեղարվեստ
Բրիտանական խորհրդի գեղարվեստի թիմը ներկայացնում է ժամանակակակից բրիտանական արվեստի լավագույն աշխատանքները ցուցահանդեսների, միջոցառումների և սեմինարների միջոցով: Բրիտանական խորհուրդն ունի շուրջ 8500 աշխատանքից բաղկացած հավաքածու, որոնք ցուցադրվում են միջազգային ցուցահանդեսներին: Բրիտանական խորհրդի հավաքածուն հասանելի է նաև առցանց:
Գրականություն
Բրիտանական խորհրդի գրականության թիմը ներկայացնում է Միացյալ Թագավորության գրական լավագույն ստեղծագործություններն աշխարհի տարբեր անկյուններում: Մենք համագործակցում ենք Միացյալ Թագավորությունում և աշխարհում անցկացվող գրական փառատոների հետ` նոր լսարանին ներկայացնելով բրիտանական հեղինակներին և հաղորդակցելով միջազգային ճանաչում ունեցող հեղինակներին Միացյալ Թագավորության հետ: Մենք նաև աշխատում ենք գրականության ոլորտի մասնագետների հետ` կիսելու տեղեկատվությունը, պրակտիկան և հնարավորությունները:
Ստեղծագործական և մշակութային տնտեսություն
Բրիտանական խորհրդի «Ստեղծագործական և մշակութային տնտեսություն» ծրագիրը փոխկապակցված օղակ է ստեղծում արվեստի, մշակույթի, բիզնեսի և տեխնոլոգիայի միջև: Մենք համագործակցում ենք այս ոլորտի մասնագետների հետ, ինչպես նաև աջակցում և նպաստում ենք նոր տաղանդների բացահայտմանը: