Բրիտանական խորհրդի հայաստանյան մասնաճյուղը կազմակերպում է մասնագիտական և հեռակա ուսուցման քննություններ, որոնք հնարավորություն են տալիս երիտասարդ մասնագետներին զարգացնելու և խթանելու իրենց կարիերան: Միջազգայնորեն ճանաչված այս քննությունները, երբեմն որոշ կազմակերպությունների անխուսափելի պահանջն են աշխատանքի ընդունման համար:
Եթե ցանկանում եք քննություն հանձնել ՄԹ-ի կրթական հաստատություններ ընդունվելու կամ ուսումը շարունակելու համար, ապա կարող եք դիմել Բրիտանական խորհրդի հայաստանյան մասնաճյուղ: Լինելով պաշտոնական և լիազորված կենտրոն Հայաստանում` Բրիտանական խորհրդի հայաստանյան մասնաճյուղը հանդիսանում է կրթական օղակ Հայաստանի և ՄԹ-ի միջև:
Բրիտանական խորհրդի հայաստանյան մասնաճյուղի քննական բաժինը
- խստորեն հետևում է քննական մարմինների և կրթական հաստատությունների կանոններին;
- երաշխավորում է քննական նյութերի անվտանգ ստացումն ու պահպանումը;
- տրամադրում է քննության անցկացման վայրը և կազմակերպում քննության ընթացակարգի հսկումը;
- երաշխավորում է նյութերի անվտանգ վերադարձումը` համաձայն քննական մարմնի կանոնների (հիմնականում փոստի միջոցով);
- թեկնածուներին տրամադրում է արդյունքների վերաբերյալ ծանուցում, եթե պահանջվում է:
