Մենք աշխատում ենք բարելավել Հայաստանի միջին մասնագիտական կրթական հաստատությունների ուսանողների անգլերենի և ընդհանուր աշխատանքային հմտությունները: «Էյչ-Էս-Բի-Սի Բանկ Հայաստան» ՓԲԸ-ի ֆինանսավորմամբ իրականացվող «Անգլերենը և աշխատանքային հմտությունները կարիերայի զարգացման համար» ծրագիրը նախատեսում է մայրաքաղաքից դուրս բնակվող երիտասարդներին աջակցել աշխատաշուկա մուտք գործելու և աշխատանքային ոլորտի ամենակարևոր հմտություններից՝ անգլերենի բարելավման հարցում:
Զարգացման կենտրոններ
Այս ծրագիրն իրականացնում ենք Հայաստանի Արարատի մարզի Արտաշատ և Մասիս քաղաքների միջին մասնագիտական երկու հաստատությունում Զարգացման կենտրոնների գործունեությամբ, որոնք տեղի ուսանողներին կառաջարկեն լրացուցիչ դասընթացներ և վերապատրաստումներ, մասնակիցներին կզինեն ապագա աշխատանքի հիմնարար և կիրառելի հմտություններով` խթանելով նրանց մասնագիտական մրցունակությունը: Կենտրոններում կդասավանդվեն հետևյալ դասընթացները.
- Անգլերեն աշխատանքի համար
- Աշխատանքային հմտություններ