Սիրով տեղեկացնում ենք Ձեզ, որ իր հայաստանյան այցի ժամանակ Ջերեմի Հարմերը հանդես է գալու նաև «Շեքսպիրը և այլ ժողովրդական երգեր» խորագրով երաժշտական կատարումներով: Միրոցառումը նվիրվում է Բրիտանական խորհրդի հայաստանյան մասնաճյուղի 15 ամյակին:
«Մարդը, ով չունի իր մեջ երաժշտություն, հարմար է հանցագործության համար, - ասում է Լորենզոն իր սիրելիին «Վենետիկի վաճառականը» կատակերգությունում»: Երաժշտությունը առկա է Շեքսպիրի բոլոր ստեղծագործություններում` սիրված երգերի հնչյուններ, ամբողջական գրված խոսքեր, տխուր, զվարճալի, անպարկեշտ, մի խոսքով, ամեն տեսակի:
Միջոցառման ժամանակ երգիչ-երգահան Ջերեմի Հարմերը կներկայացնի ոչ միայն Շեքսպիրի, այլև այլ ստեղծագործողների հայտնի երգեր և ցույց կտա, թե ինչ կապ ունեն վերջիններս կենդանի ժողովրդական երաժշտական ավանդույթների հետ, որը կենսականորեն շարունակվում է մինչ օրս:
Մասնակցություն
Երաժշտական շոուի մուտքը ազատ է բոլորի համար: Միայն հարկավոր է գրանցվել`լրացնելով առցանց գրանցման ձևաթուղթը: Գրանցման վերջնաժամկետն է Նոյեմբեր 9, 15.00.
- Կարևոր նկատառում 1. Եթե առցանց գրանցման ընթացքում ձեզանից պահանջվի ծածկագիր, ապա խնդրում ենք ծանոթանալ գրանցման ուղեցույցին, որը կարող եք ներբեռնել ստորև:
- Կարևոր նկատառում 2. Քանի որ միջոցառման սրահների տարածքը սահմանափակ է, նախատեսված գրանցումների թիվը գերազանցելու դեպքում՝ առաջնահերթություն կտրվի ավելի վաղ ժամանած մասնակիցներին: