«ԲիԲիՍի» համաշխարհային ռադիոծառայության գլխավոր բանավեճային հաղորդումը` Համաշխարհային հարցեր (World Questions) ծրագիրը գալիս է Հայաստան երկրի պատմության առանցքային ժամանակահատվածում։ Նախորդ տարի տեղի ունեցած զանգվածային խաղաղ բողոքի ալիքից հետո երկրի նոր վարչապետ Նիկոլ Փաշինյանը վերջին խորհրդարանական ընտրություններին ստացավ ընտրողների ձայների 70 տոկոսից ավելին։ Նա հայտարարում է, որ իր քաղաքական դաշինքը այժմ առաջնորդելու է տնտեսական հեղափոխությունը, օգնելու բնակչությանը հաղթահարելու աղքատությունը։ Ի՞նչպես է կառավարությունը պատրաստվում իրականացնել այս փոփոխությունները։ Կկարողանա՞ այն տնտեսական աճն ու ներդրումները հավասարակշռել բնապահպանական խնդիրների հետ։ Ի՞նչ նպատակներով կառաջնորդվի Հայաստանի արտաքին քաղաքականությունը։
Այս և այլ հարցերի պատասխանները լսելու համար ԲիԲիՍի համաշխարհային ռադիոծառայության քաղաքական մեկնաբան Ջոնի Դայմոնդը Հայաստանի քաղաքական և հասարակական գործիչների հետ կփորձի գտնել լսարանի մասնակցությամբ բաց բանավեճում, որը կկայանա Հայաստանի ամերիկյան համալսարանում:
Բանախոսներ`
Արևիկ Անափիոսյան, Հայաստանի կրթության և գիտության փոխնախարար
Մանե Թանդիլյան, Ազգային ժողովի պատգամավոր, Լուսավոր Հայաստան կուսակցություն
Մարիա Թիթիզյան, հրապարակախոս, դասախոս
Արա Թադևոսյան, Մեդիամաքս գործակալության տնօրեն
Միացեք նրանց և լսելի դարձրեք ձեր խոսքը, որը կհեռարձակվի ամբողջ աշխարհով: Միջոցառումը կմեկնարկի 18:00-ին ընդունելությամբ, որին կհաջորդի մշակութային կատարում, այնուհետև կսկսվի բանավեճը :
Որպես մշակութային հարաբերություններ կառուցող և կրթական հնարավորություններ ստեղծող կազմակերպություն, ինչպես նաև ԲիԲիՍի համաշխարհային ծառայության գործընկեր, Բրիտանական խորհուրդը աջակցում է այնպիսի հարթակների ստեղծմանը, որտեղ լսարանը կարող է մասնակցել բաց բանավեճի:
ԲիԲիՍի համաշխարհային ծառայությունը հեռուստատեսային, ռադիո և առցանց լրատվություն է հաղորդում ամբողջ աշխարհում անգլերեն և 41 այլ լեզվով, շաբաթական շուրջ 269 միլիոն լսարանի համար։ Համաշխարհային ծառայության մաս է կազմում ԲիԲիՍի անգլերենի ուսուցում (BBC Learning English) հարթակը, որը համաշխարհային լսարանին է առաջարկում անգլերենի ուսուցման ռեսուրսներ։ ԲիԲիՍի լրատվության համաշխարհային ծառայությունը շաբաթական 346 միլիոն լսարան է գրավում։
Միջոցառմանը մասնակցությունն անվճար է` պարտադիր առցանց գրանցման պայմանով։ Մինչ մենք կանենք առավելագույնը բոլոր այցելուների մուտքը ապահովելու համար, այնուհանդերձ խնդրում ենք այցելել ժամանակին, նստատեղեր զբաղեցնելու համար: Նկատի ունեցեք, դռները կբացվեն 18:00-ին, նախապատվությունը առաջինը ժամանած հյուրերին տալով: