|
Այս հոդվածում Դուք կիմանաք, թե ինչ թարմացումներ են կատարվել համակարգչային IELTS-ում՝ թեստից առաջ, դրա ընթացքում և դրանից հետո Ձեր աշխատանքը բարելավելու համար․ |
Անգլերեն լեզվի միջազգային թեստավորման համակարգը (IELTS) համաշխարհային միգրացիայի և բարձրագույն կրթության համար ամենատարածված անգլերեն լեզվի հմտությունների թեստն է: Ամեն տարի միլիոնավոր մարդիկ անցնում են թեստը կրթական, աշխատանքային կամ վիզա ստանալու նպատակով: Նրանք ընտրում են IELTS-ը, քանի որ այն ճանաչվում է աշխարհի տարբեր համալսարանների, կառավարությունների և պաշտոնական մարմինների կողմից։
IELTS թեստը կարելի է անցնել թղթով կամ համակարգչային տարբերակով: Անկախ նրանից, թե որ եղանակով եք ընտրում անցնել թեստը, դրա ձևաչափը չի փոխվի: Այնուամենայնիվ, համակարգչային IELTS-ը որոշ առավելություններ ունի: Դրանք ներառում են թեստի ավելի շատ ամսաթվերի հասանելիություն, ավելի արագ արդյունքներ և օգտակար առանձնահատկություններ համակարգչում, ինչպիսիք են՝ տեքստը ընդգծելը, գրառումներ անելը և բառերի ավտոմատ հաշվարկը։
Ինչ պետք է իմանաք համակարգչային IELTS-ի մասին
1. Օգտագործողի բարելավված ինտերֆեյս
IELTS-ն օգտագործում է համակարգչային թեստավորման նոր հարթակ, որն ապահովում է թեստավորման ավելի սահուն և հասկանալի գործընթաց:
Համակարգչային IELTS-ը հանձնելիս թեստ հանձնողները կարող են ընդգծել իրենց թեստի կարևոր տարրերը, ինչպես նաև ավելի ինքնաբերաբար նշումներ անել: Այս նշումները ներկայացվում են թեստային առաջադրանքների հետ միասին՝ որպես աջ կողմում գտնվող առանձին բաժանված պատուհան: Դրանք կարող են թաքնված լինել կամ ցուցադրվել, ըստ ցանկության, ամբողջ թեստի ընթացքում:
Թեստի յուրաքանչյուր բաժին սկզբում ունի նաև տեսանյութ, որը հստակ բացատրություն է տալիս այն մասին, թե ինչ է պահանջվում և ինչպես հանձնել պատասխանները: Այս տեսանյութերը հատկապես օգտակար են, եթե Ձեզ անհրաժեշտ են տեսողական նշաններ կամ ենթագրեր, որոնք կօգնեն Ձեզ հասկանալ հրահանգները։
Համակարգչային IELTS-ի օգտագործողի ինտերֆեյսի այս առանձնահատկությունները ապահովում են ավելի պարզեցված թեստային գործընթաց, ինչը նշանակում է, որ Դուք կարող եք հեշտությամբ կողմնորոշվել հարցերում և ավելի շատ ժամանակ ունենալ Ձեր պատասխանների վրա կենտրոնանալու համար:
2. Համակարգչային IELTS-ի թեստի օրը
Համակարգչային IELTS-ի թեստի օրը թեստը արագ և ուղիղ հանձնելու փորձառությունն է: Համակարգչային IELTS-ը հանձնելու համար պահանջվում է միայն մեկ մուտք․ Ձեզ կտրվի օգտանուն և գաղտնաբառ, և կմնաք մուտք գործած Ձեր հաշվում թեստի ողջ ընթացքում:
Ինչպես նաև, համակարգչային քննություններն ինքնաշարժ են: Մոդուլների միջև հրահանգների ընթերցման կամ ստանդարտացված ընդմիջումների համար նախատեսված ժամեր չկան: Եվ Դուք կարող եք ընտրել, թե երբ պետք է սկսել թեստը՝ կախված նրանից, թե երբ եք պատրաստ: Շատերի համար այս ճկունությունը նշանակում է, որ Դուք մուտք կգործեք թեստ ավելի պատրաստված և ավելի քիչ սթրես զգալով՝ համեմատած պարտադիր մեկնարկի ժամանակով թեստերի հետ:
3. Մուտք դեպի IELTS Ready Premium
Ինչպես Թղթային IELTS-ը, այնպես էլ Համակարգչային IELTS-ը ամրագրելիս Դուք ստանում եք անսահմանափակ մուտք դեպի IELTS Ready Premium մինչև թեստի օրը:
IELTS Ready Premium-ը թեստ հանձնողների համար անվճար, անհատականացված, թվային ուսումնասիրության փաթեթ է: Սա IELTS թեստի նախապատրաստման ամենաարդյունավետ գործիքներից մեկն է, որն օգնել է շատ թեստ հանձնողների ստանալ լավագույն գնահատականը: IELTS Ready Premium-ը ներառում է 40 պրակտիկ թեստ, անհատական ուսումնական պլան, ուղիղ եթերով և ձայնագրված դասեր և գործնական հարցեր՝ հարմարեցված Ձեր անգլերենի իմացության մակարդակին:
Փաթեթն ունի նախապատրաստման տարբեր այլ նյութեր, որոնք տևում են ավելի քան 80 ժամ, և ընդգրկում են յուրաքանչյուր մակարդակում անգլերենով լսելը, կարդալը, խոսելը և գրելը: Կարող եք նաև հետադարձ արձագանք ստանալ ընթերցանության և լսելու յուրաքանչյուր հարցի վերաբերյալ և դիտել մոդելային պատասխաններ, որոնք կարող եք համեմատել Ձեր սեփական պատասխանների հետ։
IELTS Ready Premium-ը հասանելի է British Council-ում IELTS թեստը ամրագրելուց հետո:
4. Ավելի արագ արդյունքներ
Համակարգչային IELTS-ը հանձնելու օգուտներից մեկը ավելի արագ արդյունքներ ստանալն է: Երբ թեստավորման կենտրոնում հանձնում եք Համակարգչային IELTS, Դուք կստանաք Ձեր արդյունքները 1-ից 2 օրվա ընթացքում Ձեր թեստի ամսաթվից հետո՝ 6-ից 8 օրվա համեմատ, եթե հանձնել եք IELTS առցանց, և 13 օրից, եթե հանձնել եք Թղթային IELTS թեստավորման կենտրոնում:
Թեստն ավարտելուց և Ձեր արդյունքները ստանալուց հետո Դուք կստանաք էլ․ փոստի ծանուցում, որտեղ կտեսնեք Ձեր գնահատականները էլեկտրոնային Թեստի արդյունքների վկայականի (eTRF) միջոցով: Այս ձևաթուղթը ձեր թեստի արդյունքի պաշտոնական հաստատումն է, որը կարող է ներկայացվել որպես անգլերենի իմացության ապացույց:
Ավելի արագ արդյունքներ ստանալու հնարավորությունը կարող է առավելություն լինել շատ թեստ հանձնողների համար, հատկապես, եթե նրանք պետք է անգլերենի իմացության մակարդակը հաստատող փաստաթղթերը սեղմ ժամկետում ուղարկեն իրենց ընտրած կազմակերպությանը: Սա այն պատճառներից մեկն է, թե ինչու են որոշ թեստ հանձնողներ նախընտրում Համակարգչային IELTS-ը՝ Թղթային IELTS-ից։
5. One Skill Retake
Եթե Դուք չեք հասել Ձեր ցանկալի IELTS գնահատականին և ցանկանում եք բարձրացնել Ձեր գնահատականը միայն մեկ բաժնում, ապա այժմ կարող եք կրկին հանձնել թեստի չորս բաժիններից միայն մեկը՝ Լսողություն, Ընթերցանություն, Գրավոր կամ Բանավոր, սկզբնական թեստից 60 օրվա ընթացքում՝ առանց ամբողջ թեստը վերհանձնելու, միայն այն դեպքում, եթե հանձնել եք Համակարգչային IELTS:
Այս նոր առանձնահատկությունը կոչվում է «One Skill Retake» և հասանելի է ընտրված թեստային կենտրոններում: Սա երկրորդ հնարավորություն է տալիս թեստ հանձնողներին՝ բարելավելու իրենց արդյունքները և խնայելու ժամանակն ու գումարը։ Մեկ բաժնի վերահանձնումը հետևում է նույն ձևաչափին և ժամկետին, ինչ ստանդարտ IELTS թեստը, ուստի թեստ հանձնողները կարիք չունեն պատրաստվելու տարբեր հրահանգների կամ առաջադրանքների: Այն բաժինների թեստի գնահատականները, որոնք չեն վերահանձնվում, ազդեցություն չեն կրում։
Թեստի արդյունքները պատրաստ լինելուն պես, թեստ հանձնողը կստանա նոր eTRF, որը ներառում է սկզբնական գնահատականը, թարմացված գնահատականը և ընդհանուր գնահատականը: Արդյունքները ուժի մեջ են երկու տարի՝ առաջին թեստի ամսաթվի օրվանից:
Այս հոդվածում բացատրվում են այն հիմնական կետերը, որոնք տարբերակում են Համակարգչային IELTS-ը Թղթային IELTS-ից՝ օգնելու համար թեստ հանձնողներին տեղեկացված որոշում կայացնել թեստն ամրագրելիս:
Նախապատրաստվեք ձեր IELTS թեստին IELTS Ready-ով: